Can vei la lauzeta - Martin Best Mediaeval Ensemble
Composer：Bernart de Ventadorn
Can vei la lauzeta mover
De joi sas alas contral rai
Que s'oblid' es laissa chazer
Per la doussor c'al cor li vai
Ai tan grans enveya m'en ve
De cui qu'eu veya jauzion
Meravilhas ai car desse
Lo cor de dezirer nom fon
Ai las tan cuidava saber
D'amor e tan petit en sai
Car eu d'amar nom posc tener
Celeis don ja pro non aurai
Tout m'a mo cor e tout m'a me
E se mezeis e tot lo mon
E can sem tolc nom laisset re
Mas dezirer e cor volon
De las domnas me dezesper
Ja mais en lor nom fiarai
C'aissi com las solh chaptener
Enaissi las deschaptenrai
Pois vei c'una pro no m'en te
Vas leis quem destrui em cofon
Totas las dopt' e las mescre
Car be sai c'atretals se son
Tristans ges non auretz de me
Qu'eu m'en vau chaitius no sai on
De chantar me gic em recre
E de joi e d'amor m'escon
Salva Nos - The Mediaeval Baebes以下歌词翻译由微信翻译提供Written by：Traditional/Matthew Fisher Salva nos stella maris感谢我们的爱Et regina celorum我的爱人Salva n...