Christe Redemptor (Christmas Hymn) (1st Mode) - Monks of the French Abbey of Encalcat
Christe redemptor omnium
Ex Patre Patris unice
Solus ante principium
Natus ineffabiliter
Tu lumen Tu splendor Patris
Tu spes perennis omnium
Intende quas fundunt preces
Tui per orbem famuli
Salutis auctor recole
Quod nostri quondam corporis
Ex illibatâ Virgine
Nascendo formam sumpseris
Nos quoque qui sancto Tuo
Redempti sumus sanguine
Ob diem Natalis Tui
Hymnum novum concinimus
Iesu tibi sit gloria
Qui natus es de Virgine
Cum Patre et Sancto Spiritu
In sempiterna sæcula Amen