Pirati a Palermo - Flo
Arrivaru li navi
Tanti navi a palermu
Li pirati sbarcaru
Cu li facci di nfernu
N'arrubbaru lu suli lu suli
Arristammu allu scuru chi scuru
Sicilia
Tuttu l'oru all'aranci
Li pirati arrubbaru
Li campagni spugghiati
Cu la neggia lassaru
N'arrubbaru lu suli lu suli
Arristammu allu scuru chi scuru
Sicilia
Li culura a lu mari
Arrubbaru chi dannu
Su mpazzuti li pisci
Chi lamentu chi fannu
N'arrubbaru lu suli lu suli
Arristammu allu scuru chi scuru
Sicilia
A li fimmini nostri
Ci scipparu di l'occhi
La lustrura e lu focu
C'addumava li specchi
N'arrubbaru lu suli lu suli
Arristammu allu scuru chiú scuru
Sicilia
Lu suli lu suli
Arristammu allu scuru chiú scuru
Sicilia
Chianci