24 - 农夫 (FAMA)
词：6 WingC Kwan
曲：Clinton Sparks
如果人生系得返廿四小时 你会有D乜嘢表示
好似乜嘢都只不过系小事
到底系咪会谂返 几廿年之间
有乜嘢值得比较记住 有边次活得比较有意义
由细开始要勤力D 考好D试
我听过唔止一次 全部人口供一致 话我知
入得到大学 拎到张沙纸
入间大公司 攞到D银纸
先可以先可以叫做成功人士
系边个话我知 要咁样做人先至算系有意义
一出世开始 呢一个标准就系最高嘅指示
每个人都只系棋盘入面嘅一只棋子
到你死嗰日 边个可以百分百忠实表现自己
嗰日 净系谂住八就八终日搬弄是非
嗰日 勤勤力力 营营弈弈
饰演好你自己呢一个角色
饰演到尾问你点解咁落力
好似每个人都无灵魂 repeat又repeat
每一日都日复日系为咗 易d又易d
应付月头月尾嘅每一张 receipt又receipt
为咗所谓嘅康庄大道 我哋一直做一直做
一只做咗十年 二十年 人生有几多个十年
有几多个人有几多个梦想从来味噌实现
最后今天就算要离开呢个世界 几大就几大
呢廿四小时一定要活得痛痛快快
就到尽头 你会点样走
系咪会以后 去天国漫游
定系会逗留 逐秒祈求
生死册写错手 你时辰未够
就到尽头 你会点样走
系咪会以后 去天国漫游
定系会逗留 逐秒祈求
生死册写错手 你时辰未够
如果你知 生命只系得翻廿四小时
你想你嘅故事 重新开始定你觉得系一件小事
无所谓 反正无得留底 等时间流逝
定系趁离开人世之前 留低一番作为
谂住闩埋房门 揽住啲动漫 对足 电脑一晚
定系打开窗睇多一眼 个世界系咁灿烂
你仲系最关心 边位天王天后 结婚
定系你突然想睇真 从来唔上心嘅父亲母亲
再肉麻 嘅说话 唔驶再 放喺心
想辱骂 你尽情去马 唔驶再怕 有手尾跟
你会搵你爱人 卿卿我我 听听风看海
定系轻轻的我走了 正如我轻轻的来
自己避开 自己离开 唔驶人哋为我默哀
定系要公开为你哋俾我嘅爱讲声唔该
搵朋友 饮下酒 欢送我就嚟走
定系唔能够搵到位真正朋友喺最后聚首
最后最后 要死有几奇 人生好比场嬉戏
唔舍得 你哋陪我走到嚟
末期末期 床边好多亲朋收到好多慰问
带走好多遗憾
在生为咗维生 来生系咪咁
It's ok ok 我可以犯法 所有罪无畏惧
但系无办法 抹走为我留嘅 眼泪 眼泪
好似一个rapper突然变哑
净低一堆说话同埋廿四个bar
就到尽头 你会点样走
系咪会以后 去天国漫游
定系会逗留 逐秒祈求
生死册写错手 你时辰未够
就到尽头 你会点样走
系咪会以后 去天国漫游
定系会逗留 逐秒祈求
生死册写错手 你时辰未够
中文：农夫英文翻译：campesinocottierfarmergrangerhusbandmanpeasantplowman...
钱钱钱 - 陈冠希 (Edison Chen)/农夫 (FAMA)词：农夫曲：DJ Tommy/许冠杰钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱钱...
提早单身 - 郑希怡 (Yumiko Cheng)/农夫 (FAMA)词 : Cobb Tiffany L/Hale Traci Colleen/Rome Jason P曲 : Cobb Tiffany L/Hale Traci Colleen/Rome Jason P男：如果1 2 3 爱情就系咁简单分手嗰晚 我就唔会系咁喊...
樱桃小丸子 (DJ 农夫 Remix) - DJ抠牙齿 书没背 晚回家人人多少都有些坏习惯今天这样 明天一样 怎么办我总不能 永远这样 会完蛋下定决心 把缺点打倒不怕跌倒 信心最重要我们都是这样长大稍息立正站好霹雳啪啦 呼噜哗啦 铅笔找不到铿铿锵锵 乒乒...
情剑2016 (DJ版 DT农夫 REMIX CLUB东莞虎门2) - 柯言词：阿郎/柯言曲：阿郎不敢回头再看你一眼因为承诺到了最后期限你精心的表演掩盖你的善变最后只是为了和我说再见所有苍白无力的语言换回你的那句我很抱歉就在那一瞬间你和他一...